အဟိတို့နေတဲ့ ရပ်ကွက်ထဲမှာ ညညဆို ရောက်တတ်ရာရာ ပြောကြဆိုကြတဲ့ စကားဝိုင်းလေးတခု အမြဲလိုလို ရှိတတ်တယ်။ အဲဒီစကားဝိုင်းမှာ အဟိတို့ မြန်မာပြည်ရဲ့ နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ ပညာ ရေးက အစ နိုင်ငံတကာအရေးအခင်းများ အလယ် သမီးရည်းစားရေးနဲ့ ကြီးပွားရေးဆိုတဲ့ နှစ်လုံးထီ၊ ချဲထီ၊ ဘောလုံးပွဲကိစ္စတွေ အဆုံး နိစ္စဓူဝ ဖြစ်ပျက်သမျှတွေအားလုံးကို ညစဉ် တရုန်ရုန်းနဲ့ ပြောကြဆိုကြတာပေါ့။ စကားဝိုင်းကို လာကြတဲ့သူတွေက အသက်အရွယ်အားဖြင့် (၂၅) နှစ်နဲ့ (၄၀) ကြား အရွယ်တွေပါ။ တချို့က ကရားရေလွှတ် တတွတ်တွတ်ပြော၊ တချို့က အာပေါင်အာရင်းသန်သန်နဲ့ ငြင်းခုန်၊ တချို့က တတ်ယောင် ကားလုပ်ပြီး ၀င်ဆွေးနွေးနဲ့ စကားဝိုင်းလေးဟာ ညစဉ် ညစဉ် လက်ပံပင် ဆက်ရက်ကျသလို ကျွက်စီကျွက်စီနဲ့ ဆူညံလို့နေတာပေါ့။
တညမှာတော့ စကားဝိုင်းမှာ အမြဲလိုလို အကြောင်းအရာတခုကို သယ်လာပြီး ဦးဆောင်ဆွေးနွေးလေ့ရှိတဲ့ ကို အာရွှီးလို့ အဟိတို့ နာမည်ပြောင်ပေးထားတဲ့ ကိုမိုးကြီးက အီရန်ပြဿနာကို သယ်လာပါလေရော။ အားလုံး လူစုံချိန်မှာ ကိုအာရွှီးက အသံကျယ်ကျယ်နဲ့ “ဟေ့ မနက်က ဘီဘီစီမှာ ကိုယ်နားထောင်လိုက်ရတယ်။ အမေ ရိကန်က အီရန်ကို ရာဇသံပေးလိုက်ပြီ။ ရက်ပေါင်း (၃၀) အတွင်း နျူကလီးယားလက်နက် ထုတ်လုပ်နိုင်တဲ့ ယူ ရေနီယမ်သန့်စင်မှုကို ရပ်တန်းကရပ်ဖို့ သတိပေးလိုက်တာကွ။ အီရတ်ပြီးတော့ အီရန်ကို ထပ်တွယ်တော့မယ် နဲ့တူတယ်” လို့ နန်းစတော့ပ် ပြောဆိုပြီး စကားဝိုင်းကို ဖွင့်လှစ်လိုက်တယ်။
စကားဝိုင်းမှာလည်း ၀ိုင်းတော်သားတွေက စုံသလောက်ဖြစ်နေပြီ။ အဲဒီမှာ ကိုအာရွှီးရဲ့စကားကို နားထောင်ပြီး တက်ကြွလွန်းလို့ ကိုကြက်ဖလို့ အဟိတို့ နာမည်ပြောင်ပေးထားတဲ့ ကိုအောင်ထီကြီးက “ဟာ ... အီရတ်ပြဿ နာတောင် မငြိမ်သေးတာ အီရန်ကို ၀င်ဆော်လို့ ဖြစ်ပါ့မလား။ ဒီကြားထဲ မြောက်ကိုးရီးယားက ကင်ဂျုံအီးက လည်းတမှောင့်။ အဲဒီလိုအခြေအနေမှာ အမေရိကန်က စစ်မျက်နှာတွေ အရမ်းလျှောက်ဖွင့်ရင် ပျားတုပ်ကုန် မှာပေါ့ကွ” လို့ အာပေါင်အာရင်းသန်သန်နဲ့ ၀င်ဆွေးနွေးတယ်။ ၀ိုင်းတော်သားတွေကတော့ သူတို့ နှစ်ယောက် ဆွေးနွေးတာကို ပါးစပ်အဟောင်းသားနဲ့ နားစွင့်နေကြတယ်။
အဲဒီမှာ ကိုအာရွှီးက “ငါသာ အမေရိကန်သမ္မတ ဆိုရင်တော့ကွာ၊ သန်းရွှေတို့၊ မောင်အေးတို့၊ ရွှေမန်းတို့ကိုပဲ အရင် ဆော်ပလော်တီးပစ်လိုက်မှာ။ တိုင်းသူပြည်သားတွေကို ရက်ရက်စက်စက် ဖိနှိပ်နေတဲ့အပြင် တရုတ်၊ ရု ရှား အားကိုးနဲ့ နျူကလီးယားလက်နက်လုပ်ဖို့ပါ ကြိတ်ကြံနေတဲ့ ကောင်တွေကွ။ ကြာကြာထားရင် အားလုံးအ တွက် အန္တရာယ်များမယ့် ကောင်တွေ၊ ဦးအောင် ရှင်းပစ်မှ အေးမယ်။
အခုလည်းကြည့် ဟိုတလောကလေးတင် ကုလသမဂ္ဂအတွင်းရေးမှူးချုပ် ကိုဖီအာနန်က ဒေါ်အောင်ဆန်းစု ကြည်ကို အကျယ်ချုပ်က လွှတ်ပါ၊ အန်အယ်လ်ဒီနဲ့ တွေ့ဆုံဆွေးနွေးရေးလုပ်ပါလို့ တဖွဖွပြောတယ်။ ဒီကောင် တွေ ကိုဖီအာနန် စကားကို လုံးဝဂရုမစိုက်ဘူး။ အဲဒီတော့ ဒီလိုအကောင်မျိုးတွေကို အမေရိကန်က ၀င်ဖမ်းပြီး နိုင်ငံတကာခုံးကို ပို့ပစ်လိုက်တာ အကောင်းဆုံးပဲပေါ့” လို့ အမြှုပ်တစီစီ ထွက်မတတ် ပြောဆိုဆွေးနွေးပြီးတဲ့ အခါမှာ တတ်ယောင်ကားနဲ့ လေလုံးထွားလွန်းလို့ ကိုထွားကြီးလို့ အဟိတို့ နာမည်ပြောင်ပေးထားတဲ့ ကိုမှတ် ကျောက်က ရုတ်တရက် စကားတခွန်း ၀င်ပြောလိုက်တယ်။ ကိုမှတ်ကျောက် အတည်ပေါက်နဲ့ ၀င်ပြောလိုက် တဲ့ စကားကြောင့် ၀ိုင်းတော်သားအားလုံး တ၀ါးဝါးနဲ့ ပွဲကျကုန်လေရဲ့။
ကိုမှတ်ကျောက် ၀င်ရောက်ဆွေးနွေးလိုက်တဲ့ မှတ်သားဖွယ်ရာ စကားတခွန်းကတော့ “ကိုအာရွှီးကလည်းဗျာ သန်းရွှေတို့၊ မောင်အေးတို့၊ ရွှေမန်းတို့ကိုတော့ လေးစားသမှုမရှိလို့ ‘ဦး’ မတပ်ဘဲ ပြောတာဟုတ်ပါပြီ။ ဒါပေ မယ့် ကုလသမဂ္ဂအတွင်းရေးမှူးချုပ်ကိုတော့ ‘ဦးဖီအာနန်’ လို့ လေးလေးစားစား ခေါ်သင့်တာပေါ့ဗျ။ တက တည်း ခင်ဗျားသူငယ်ချင်းကျနေတာပဲ ကိုဖီအာနန်၊ ကိုဖီအာနန်နဲ့” ဟူသတည်း။
အဟိ
Credit To : drlunswe
No comments:
Post a Comment